Saxovat – bu ikki toifa oʼrtasini bogʼlovchi, ularni ulfat qiluvchi va har ikkisini dunyo imtihonidan yaxshi oʼtishiga yordam beruvchi amallardan biridir. Qurʼoni karimning 70 dan ortiq oyatlarida odamlarga infoq-ehson qilish, yaʼni saxovat haqida gap ketadi. Isrof va baxillik qilmasdan ehson qilinsa, albatta Аlloh taolo uning oʼrnini toʼldiradi.
Saxovat kishilarga foyda keltiradigan ish boʼlgani uchun Аllohning nazdida ulugʼ ish hisoblanadi. Dinimiz koʼrsatmasiga binoan saxovat oʼz sohibining jannatga kirishiga sabab boʼladigan ishdir. Faqat yaxshi niyat bilan savob umidida va Аlloh taolo tomonidan oʼsha ishni qilgan kishi uchun beriladigan vaʼda haq ekanini tasdiqlagan holda amal qilinsa boʼldi.