Ramazon oʼn ikki oy ichida eng afzali, eng barakalisi va eng ulugʼidir. Bu oyda qilinadigan barcha ezgu amallarga oʼzga oylardan koʼra, bir necha hissa koʼproq ajr berilishi haqida oyat va hadislarda yuzlab xushxabarlar bor. Eʼtibor qilsak bu oyda butun islom olamida oʼzgacha bir osudalik, ruhiy koʼtaringkilik kuzatiladi.
Аlbatda mumkin emas. Toliqqan jismga orom berish, davolash mumkin. Unga turli mashgʼulotlar bilan koʼproq quvvat ham kiritish mumkin. Biroq ruhiy xotirjamlik, iymon halovatiga ham eʼtiborli boʼlish har bir moʼʼminning burchidir. Va bu burchga, ne ajabki, aynan Ramazon oyida avvalgidanda koʼproq eʼtibor qarata boshlaymiz. Negaki, Аlloh subhanu va taalo biz bandalariga bu borada ham xush xabar bergan.