Inson hayotining farovon boʼlish shartlaridan biri halol kasb bilan shugʼullanishdir. Barchamizga yaxshi maʼlumki, Islom dini dangasalik, tanballik va boqimandalikni qoralaydi. Halol kasb qilishga targʼib etib, kishining shaxsiga, oilasiga va jamiyatga foyda keltiruvchi hunar, dehqonchilik bilan shugʼullanishga, ijodkorlik qilib, fan-texnika sohasida peshqadam boʼlib, bashariyatning rivojiga hissa qoʼshishga chorlaydi.
Halol rizq topish uchun intilish har bir musulmonga farz. Islom dini poklik asosiga qurilgan. Shuning uchun ham halol kasbu kor orqali rizq topishga, pokiza neʼmatlarni isteʼmol qilishga buyuradi.